Transcription
1
Monseigneur, la presente sera pour vous faire antandre comme à toutes
2
heures je reçoye advertissementz tant de la part de monsieur de Labourel
3
que plusieurs aultres que lennemy veult venir en ceste ville pour nous
4
assieger, de quoy vous est bien volleu advertir, monseigneur, affin quil
5
vous plaise antandre que en ceste dite ville i a peu de jens et
6
mal armés et jens que ne font la garde que pour force,
7
aulmoins la pluspart. Je vous escripvis dernierement, monseigneur,
8
quil vous pleusse me donner commission de quelques souldartz tel
9
nombre quil plairroit à votre seignorie ordonner pour metre
10
dans le château ; vous assurant, monseigneur, quil seroit aultant
11
ou plus necessère den avoir icy comme Embrun et à Brianson,
12
comme estant plus proches de ces vallées que tienent le party
13
de la religion, car les aides de ceste ville, ceulx quilz mennoient
14
pour la garde, ne sont que païsans et poinct ou peu armés et
15
qui nont jammais pourter les armes ; pour quoy vous supplie
16
très humblement monseigneur, i advoir esgart, vous assurant que
17
la necessité me contrainct vous en escripre ; aussy vous plairra
18
antandre que cella ne sera trop grand despence aux aides de ceste
19
ville de paier le nombre des souldartz quil vous plairra ordonner.
20
Sil ne vous plaisoit que feussent paiés comme ceulx d’Embrun, veu
21
que cella les deschargeroit de me fornir jens pour ladite garde,
22
vous asseurant monseigneur, que je aimerois mieulx ung souldart
23
que six de ceulx là que manvoient des villages. Monseigneur,
24
je vous escripvis aussy dernierement comme le faulxbourc de
25
ceste ville, advenant ung siège, nous donneroit beaulcoup de peine
26
pour estre si près de la murailhe de la ville, est si grant et fort
27
louiable comme il est et la pluspart desdites maisons commandent
28
dans une partie de la ville. Si vous trouvés bon, monseigneur, que
29
je les face ruiner, je le ferey. Je monstrès la lettre aux consulz
30
des aydes de ceste villes quil vous pleust mescripre dernierement
31
par laquelle me mandiés que je vous envoiasss le reffus
32
quilz me feroient pour ladvituailhement du chasteau de
33
[196 v°] ceste ville, laquelle aiant veue, macourdarent de me fornir
34
troys quarterons de pouldre et six charges de vin, quest bien
35
peu de choses et nest pour tenir longtemps. Par quoy, monseigneur ,
36
vous plaira leur en escripre et commander votre volunté .
37
Jey esté adverty pour ung de Moulines que là, à leglise dudit lieu,
38
sont arrivés ces jours passés quelques estrangiers en nombre
39
de cinquante, tout la pluspart de Freicinière, que se tiennent
40
dans ladite eglise. Dordinaire, ceulx de Freicinière hont
41
abatu et ruiné de tout leglise de Chancella ces jours
42
passés ; qui sera landroict que ferey fin par mes très humbles
43
recommandations à votre bonne grace, priant Dieu
44
monseigneur, quil vous donne en santé longue et
45
très heureuse vie. De Guilhestre, ce XIIme fevrier 1574.
46
Votre très humble et très obeissant
47
Serviteur à vous faire
48
Très humble service
49
Jdecomborcier